ناظرین!  دیکھیٔے ’’اَلَسْتُمْ تَعْلَمُوْن‘‘ چھ دفعہ آیا ہے۔اگر کسی طباعت میں یہ چیز حذف ہو گئی ہے تویقینا کتابت کی غلطی تصور کی جائے گی۔ 

اہم نکتہ:  برسبیل تنزیل یعنی بفرض محال اگر ہم قادیانیوں کی اس بات کو تسلیم کرلیں کہ أَتٰی عَلَیْہِ الْفَنَائُ ہی موجود تھا تو پھر بھی ان کا موقف ثابت نہیں ہوتا۔ اور نہ انہیں کوئی فائدہ حاصل ہوتاہے۔کیوںکہ امر یقینی کیلئے جو ابھی تک وقوع پزید نہ ہوا ہو اس کیلئے ماضی کا صیغہ استعمال کرکے استقبال کا معنی مرادلیا جاتاہے۔قرآن کریم میں اس کے نظائر موجودہیں خصوصاً قیامت کا ذکر اکثر ماضی کے صیغوں میں آیا ہے۔ حالانکہ قیامت ابھی واقع نہیں ہوئی۔چونکہ یہ امر یقینی ہے اس لئے اللہ تعالیٰ نے اسے ماضی کے صیغوں میں ذکرفرمایا ہے۔ مرزا غلام احمد قادیانی نے بھی اس کوقاعدہ تسلیم کیا ہے۔چنانچہ اربعین نمبر4 کے تتمہ میں لکھتا ہے کہ: ’’لیکن پیش گوئی کے طور پر جہاں کہ خداکے کلام میں کسی کو کہا جاتاہے کہ وہ ضرور مر جائے گا تو وہاں بھی یہ لفظ بول کر ماضی سے استقبال کا کام لیتے ہیں۔ یعنی اگرچہ وہ موت ابھی وقوع میں نہیں آئی تاہم اس کا واقع ہونا ایسا یقینی ہے کہ گویا وہ مرگیا ہے یا مرا ہو اہے اور اس قسم کے محاورے ہر زبان میں ہوتے ہیں‘‘۔