باب پنجم
4۔ عمدۃ المسفرین الحافظ عمادالدین ابوالفداء اسماعیل بن کثیر القرشیؒ الدمشقی (700ھ ۔۔۔۔ 774ھ)اپنی مشہور زمانہ تفسیر میںلکھتے ہیں کہ:
’’وَ قَدْ تَوَاتَرَتِ الْأَحَادِیْثُ عَنْ رَسُوْلِ اللّٰہِ ﷺ أَنَّہٗ أَخْبَرَ بِنُزُوْلِ عِیْسٰی عَلَیْہِ السَّلَامُ قَبْلَ یَوْمِ الْقِیَامَۃِاِمَاماً عَادِلًا وَحَکَماً مُقْسِطًا‘‘۔
ترجمہ: ’’رسول اللہ ﷺ سے متواتر حدیثیں وارد ہیں جن میں آپ ﷺ نے قیامت سے پہلے پہلے حضرت عیسیٰ علیہ السلام کے امامِ عادل اور منصف حاکم بن کر نازل ہونے کی خبر دی ہے‘‘۔
5۔ علامہ شہاب الدین حافظ احمد بن علی حجر عسقلانی شافعی ؒ (773ھ ____ 852ھ)جو مرزا قادیانی کے نزدیک آٹھویں صدی ہجری کے مجددہیں،اپنی کتاب اَلْتَلْخِیْصُ الْحَبِیْر کتاب الطّلاق میں تحریر فرماتے ہیںکہ:
’’ وَالْاِجْمَاعُ عَلٰی أَنَّہٗ حَیٌّ فَاتَّفَقَ أَصْحَابُ الْأَخْبَارِ وَالتَّفْسِیْرِ عَلٰی أَنَّہٗ رُفِعَ بِبَدَ نِہٖ حَیًّا‘‘۔
ترجمہ: تمام محدثین اور جملہ مفسرین کا اس پر اجماع اور اتفاق ہے کہ (حضرت عیسیٰ علیہ السلام) بجسدہٖ العنصری زندہ آسمان پراُٹھائے گئے ہیں۔
6۔ امام سیوطیؒ (ابو الفضل جلال الدین ابو بکر السیوطیؒ (849ھ۔۔۔۔ 911ھ)جو کہ مرزا قادیانی کے نزدیک نویں صدی کے مجدد ہیں،اپنی کتاب ’’کِتَابُ الْاِعْلَام بِحُکْمِ عِیْسٰی عَلَیْہِ السَّلَام‘‘ میں لکھتے ہیں کہ:
’’ اَنَّہٗ یَحْکُمُ بِشَرْعِ نَبِیِّنَا لَا بِشَرْعِہٖ نَصَّ عَلٰی ذٰلِکَ الْعُلَمَائُ وَوَرَدَتْ بِہِ الْاَحَادِیْثُ وَ انْعَقَدَ عَلَیْہِ الْاِجْمَاعُ‘‘۔
ترجمہ: ’’ عیسیٰ علیہ السلام ہمارے نبی ﷺ کی شرع کے مطابق حکم کریں گے نہ کہ اپنی