اس تقابل سے تو معلوم ہوتا ہے کہ عیسیٰ علیہ السلام پر روحانی موت آگئی حالانکہ روحانی موت کسی پر بھی واقع نہیں ہوتی تقابل تب ہی درست بن سکتا ہے جبکہ موسیٰ علیہ السلام کی جسمانی حیات مراد لی جائے۔مرزا قادیانی خود تسلیم کرتا ہے کہ انبیاء علیہم السلام روحانی حیات ابدی کے مالک ہیں ۔ چنانچہ ازالہ اوہام حصہ دوم میں لکھتا ہے کہ ’’ اور ان احادیث میں یہ بھی مذکو رہے کہ وہ نبی اگرچہ دنیوی زندگی کی رُو سے مر گئے اور اس جسم کثیف او ر اس کے حیات کے لوازم کو چھوڑ گئے لیکن اس عالَم میں ایک نئی زندگی جس کو روحانی کہنا چاہئے رکھتے ہیں۔۔۔۔ راستبازوں کے لئے ایک موت کے بعد پھر حیات ابدی ہے‘‘۔