ترجمہ:     ’’بلکہ کلیم اللہ کی حیات تو نص قرآن کریم سے ثابت ہے کیا تو قرآن میں اللہ تعالیٰ عزوجل کا فرمان فَلَا تَکُنْ فِیْ مِرْیَۃٍ مِّن لِّقَائِہٖ (کہ تو اُس کی ملاقات کے بارہ میں شک نہ کر۔السجدۃ:24) نہیں پڑھتا اور تُو جانتا ہے کہ یہ آیت (حضرت) موسیٰؑ کے بارے میں اُتری ہے۔ پس یہ موسیٰ علیہ السلام کی زندگی پر ایک واضح دلیل ہے۔ کیونکہ وہ رسول اللہﷺ سے ملے اور مردے زندوں سے نہیں ملتے اور تو اس قسم کی آیات عیسیٰ علیہ السلام کی شان میں نہیں پائے گا۔ ہاں البتہ اُن کی وفات کا ذکر متفرق مقامات پر آیا ہے۔ پس تدبر کر، کیونکہ اللہ تدبر کرنے والوں کو پسند فرماتا ہے‘‘۔