واضح ہوکہ مولوی خدا بخش مصنف کتاب عسلِ مصفّٰی اپنی اس کتاب کے صفحہ 6 اور7 پر لکھتا ہے کہ حکیم نورالدین بھیروی، مولوی عبدالکریم سیالکوٹی ، مولوی محمد احسن امروہی نے اس رسالہ کو نہایت ہی پسند فرمایا ۔ آگے لکھتا ہے کہ حضرت مرزا غلام احمد قادیانی رئیس قادیان مسیح موعود مہدی معہود علیہ الصلوۃ والسلام (نَعُوْذُبِاﷲ)نے بھی اس ناچیزرسالے کو عزت کی نگاہ سے دیکھا اور اس کے سننے سے اظہار خوشی فرمایا ۔ …….سو دوسری وجہ جواس کتاب کے لکھنے کی محرک ہوئی وہ یہی ہے کہ خود ہادی امام میری ناچیز خدمت کو نظر قبولیت سے دیکھتے ہیں۔