حاصل عبارت یہ ہے کہ یہ شخص کچھ حیثیت نہیں رکھتاہے۔۔۔ جادۂ اعتدال سے ہٹا ہوا کذاب ہے۔۔۔ رافضی ہے، صحابہ پر تبراکرتا ہے۔۔۔ اور موضوع روایات کوثقہ راویوں کی طرف منسوب کرکے روایت کرتاہے (باوجودخود ضعیف ہونے کے ثقہ رواۃ کی مخالفت کرتا ہے)۔۔۔منکرالحدیث ہے۔۔۔اس کی روایت کو نہیںلکھا جاتا۔(بسبب دین کے معلوم و معروف قواعد کے خلاف روایت کرنے کے)۔۔۔اس کی حدیث کو چھوڑ دیا گیا ہے۔  

علامہ شمس الدین ذہبی ؒ(673؁ھ۔748؁ھ)جو فن رجال کے امام ہیں وہ اس راوی کی مذمت میں نو جملے لکھتے ہیں جن سے واضح ہوتا ہے کہ اس راوی کی روایت ہر گز قابل اعتبا رنہیں۔ 

دوسرا راوی ہے جابر، اس نام کے بہت سے راوی ہیں جن میں ایک جَابِر جُعْفِیْ ہے جس کے متعلق اما م ابو حنیفہ رحمۃاﷲ علیہ  (80؁ھ۔150؁ھ) فرماتے ہیں کہ مجھے جس قدر جھوٹے لوگ ملے ہیں جابرجعفی سے زیادہ جھوٹا کوئی نہیں ملا۔