پیش گوئی کا اجمالی تذکرہ:

عبداللہ آتھم پادری سے مرزا قادیانی نے22مئی 1893؁ء کو مناظرہ شروع کیا اورپندرہ دن برابر مناظرہ ہوتا رہا جب مرزا قادیانی نے شکست دیکھی تو اپنی شکست پر پر دہ ڈالنے کے لئے مناظرہ کے آخری دن 5 جون 1893؁ء کو اُس نے درج ذیل پیش گوئی کر دی۔

’’ اور آج رات جو مجھ پر کھلا وہ یہ ہے کہ جب میں نے بہت تضرع اور ابتہال سے جناب الٰہی میں دعا کی تو اس امر میں فیصلہ کر اور ہم عاجزبندے ہیں تیرے فیصلے کے سوا کچھ نہیں کرسکتے تو اس نے مجھے یہ نشان بشارت کے طورپر دیا ہے کہ اس بحث میں دونوں فریقوں میں سے جو فریق عمداً جھوٹ کو اختیار کر رہا ہے اور سچے خدا کو چھوڑ رہا ہے اور عاجزانسان کو خدا بنا رہا ہے وہ انہی دنوں مباحثہ کے لحاظ سے یعنی فی دن ایک مہینہ سے لیکر پندرہ ماہ تک ہا ویہ میں گرایا جاوے گااور اس کو سخت ذلت پہنچے گی بشرطیکہ حق کی طرف رجوع نہ کرے اور جوشخص سچ پر ہے اور سچے خدا کو مانتا ہے اس کی اس سے عزت ظاہر ہوگی اور اس وقت جب یہ پیشین گوئی ظہور میں آئے گی بعض اندھے سجا کھے کیے جائیں گے اور بعض لنگڑے چلنے لگیں گے اور بعض بہرے سننے لگیں گے اسی طرح پرجس طرح اﷲ تعالیٰ نے ارادہ فرمایا ہے سو اَلْحَمْدُ لِلّٰہِ وَالْمَنَّۃٗ کہ اگر یہ پیشین گوئی اﷲ تعالیٰ کی طرف سے ظہورنہ